|
|||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||
<< natrag
print
e-mail
print
e-mail
Ovo mi je prvi putStela Pavetić, 20.9.2007.  No, da...Bitno da ja imam kolumnu. Sam si nekak i mislila da dok bu trebalo nekaj napisati, da nebum imala baš nikakvu inspiraciju. Baš sam se morala dobrovoljno javiti. Vrag mi neda mira. Furt nekaj očem, a vremena ne znajdem niti za okrenuti. Ali, rekla sam i ve moram napraviti kaj sam obečala. Samo, o čemu nek pišem? Ja ne znam kak ti pisci, svakakvi, kojekakvi i nikakvi, najdeju inspiraciju za takove tekstove i knjige od kojih petsto strana. Ja bi trebala bar za jenu stranu, onak, formata kak za printer, bar nekaj, pa ništ. No, gruntam si i gruntam, ali nikak. Pa niš, bum nekaj drobila, pa nekaj možda i zdrobim (osim stolca pod menom koji nekak sumnjivo škriple - v silnom nastojanju da nekaj zmislim, ziblem se na stolcu i tu i tam grizem olovku - penkalo, da bum iskrena - pitaj boga ko ju je se grizel prije mene - fuj!). Nije da se nikaj ne dešava. Svašta ja čez tu ključanicu vidim, samo nesmem reći kaj (ste gledali Velo Misto - ne?). Ima tu koječega. Od plesača, nekaj manje tamburaša, skoro pa ništ koreografa, nekaj truda u tragovima, prašine kolko ti srce oče, entuzijazma tak da se puca po šavovima, samo od realizacije morti koji r… No dobro, ve stvarno drobim. Ali kaj morem, kad pokušavam znajti malo bar nekakve inšpiracije. Morti bi mogla kaj tračati. To navek pali. Tu ima materijala kolko očeš. Pa da počnem od starih koka. To smo vam, zapraf, mi, stup društva - nas koli deset "djevojaka" oko tridesete koje uporno dolazimo plesat i nikak da otidemo z društva. Dojdemo dok imamo vremena, a to je obično saki petak, ili morti saki drugi, već sam prestala brojiti, i onda smo zbunjene jer nekoga vraga novoga delaju i saki put najdemo nekaj kaj ne znamo. Ali nedamo se mi… Samo vrag je dok naš koreograf nadobudno veli našoj deci (to vam je suprotno od "stare koke"), koji dolaziju skoro pa saki put, "ve budu vam stare plesačice pokazale kak se to dela". I onda, naravno (zato kaj saki put dok i dojdemo na probu tračamo i klaframo sa strane mesto da gledimo kaj deca delaju), plešemo kaj da smo prvi put došle na probu i prvi put se se skup zišle. No, ali šalu na stranu, nama "iskusnim starim kokama" ipak jesu nekakvi koraki v nogama, pa nam treba samo malo da polovimo kaj treba poloviti i otplešemo donekle kak bi to trebalo. Ali nam zato v pjevanju nema premca. Tu smo kaj slavuji. I nikakve kokoši nam ne hodaju po glavi. Zidemo se jemput na tjedan ili dva i onda našoj Dorici polako kljucamo po živcima, jer, retko se vidimo, pak moramo nadoknaditi i spripovedati ono kaj se v to vreme kaj se nismo vidle dogodilo. Pa ona jadna čeka z melodikom v rukama i daje intonaciju i more se nadati da znamo kaj treba popevati. Jer, zna nam se dogoditi da i saka počne nekaj drugo… No, ak se dobro zmislim, denes je sreda. I denes bumo se zišle. Moramo vežbati za državnu smotru. Nisam se pofalila? Sram me bilo. Smo impresionirale jednoga gospona v žiriju (koji se doduše i sastojal samo od toga jenoga gospona ) i predložil nas je za državnu smotru. I to v Mariji Bistrici. Nego! (Ili kak bi naša deca rekla - Ideš!) No, vidiš, za to vreme dok sam čekala inšpiraciju sam nadrobila celu stranu. No, imate kaj čitati. Dok vi to prečitate i probavite, ja bum nekaj zmislila za drugi put. Morti do onda još nekaj zanimljivoga vidim čez ključanicu. Če bum taj put smela reči… |
|
|||||||||||||||||||||||||||||||||||||||||||||
|
|||||||||||||||||||||||||||||||||||||||||||||
|
|||||||||||||||||||||||||||||||||||||||||||||
Rss
